ირაკლი კობახიძისა და ვოლოდიმირ ზელენსკის შეხვედრა ერევანში.
ერევანში ევროპული პოლიტიკური გაერთიანების მე-8 სამიტი გაიხსნა. მიწვეულია 50-მდე ქვეყნისა და საერთაშორისო ორგანიზაციის ლიდერი. 4-5 მაისს ასევე იმართება სომხეთი-ევროკავშირის პირველი სამიტი, რომელშიც მონაწილეობენ ევროპული საბჭოს პრეზიდენტი ანტონიო კოშტა და ევროკომისიის პრეზიდენტი ურსულა ფონ დერ ლაიენი. პირველად სამიტის ისტორიაში, მიწვეულია არაევროპული ქვეყნის ლიდერი — კანადის პრემიერმინისტრი მარკ კარნიც, რომელიც ერევანში გუშინ ჩავიდა. სამიტის დევიზია „მომავლის შენება: ერთიანობა და მდგრადობა ევროპაში“.