ხაშურში მერიის წინ დიუშენის კუნთოვანი დისტროფიის მქონე ბავშვების მხარდამჭერი მშვიდობიანი აქცია მიმდინარეობს
,, მიეცით ბავშვებს წამალი,, – სკანდირებენ ადგილზე შეკრებილი აქციის მონაწილეები და “ოცნების” ხელისუფლებას მოზარდებისთვის სასიცოცხლოდ მნიშვნელოვანი მედიკამენტის შემოტანას სთხოვენ.
ცნობისთვის, დიუშენის კუნთოვანი დისტროფიით დაავადებული ბავშვების მშობლები უკვე რამდენიმე დღეა თბილისში, კანცელარიასთან უწყვეტ აქციას მართავენ და შვილებისთვსი წამალს ითხოვენ.
საქართველოში დიუშენის კუნთოვანი დისტროფიის დიაგნოზით 100-მდე ბავშვია აღრიცხული. ეს გენეტიკური დაავადებაა, რომელიც ადრეულ ასაკში კუნთების დასუსტებას და ფატალურ შედეგს იწვევს. მშობლები ერთი წელია ქვეყანაში ამ მომაკვდინებელი დაავადების სამკურნალო პრეპარატის შემოტანას უშედეგოდ ითხოვენ.