მიხეილ სარჯველაძე პარლამენტში დიუშენის დისტროფიის მქონე ბავშვების მშობლების პროტესტზე საუბრისას აცხადებს, რომ მთავარი კრიტერიუმი არის ის, შეძლებს თუ არა კონკრეტული წამალი სარგებლის მოტანას პაციენტისთვის ფატალური რისკების გარეშე, ფასი კი არც პირველი და არც მეორე ხარისხოვან საკითხთა რიგს არ მიეკუთვნება.
“ჩემი მიზანია და ჩემი სურვილია, მშობლებთან ერთად ვიმუშაოთ და პირველი მივიღოთ ყველა კითხვაზე პასუხი, რომელიც არსებობს და დღეს მოგახსენებთ, რამდენად ლეგიტიმურია თითოეული ის კითხვა, რომელიც არსებობს და გავაუმჯობესოთ აუცილებლად მკურნალობის ეფექტიანობა, თითოეული პაციენტისთვის. ამაზე სამინისტრო მუშაობას განაგრძობს, ეს არ დაწყებულა დღეს, ეს საკმაოდ დიდი ხნით ადრეა დაწყებული ვიდრე აქ მსხდომი ოპოზიციის, რომელიმე წარმომადგენელი ამ საკითხით დაინტერესდებოდა.
ახლა მთელი ოპოზიცია გულშემატკივრობს, რეალურად რომ რამენაირად მშობლები იდგნენ ქუჩაში და არაფერი გაკეთდეს. ეს მათ აწყობთ ნებით თუ უნებლიეთ ამ საქმეს ბინძურად ემსახურებიან, რადგან ამაზე ცდილობენ პოლიტიკური დივიდენტების დაბრუნებას. ამის უფლებას ვერავის მივცემთ და ამიტომაც სამინისტრო გააგრძელებს მუშაობას, როგორც აღინიშნა შედეგისთვის და არა პოლიტიკური ქულებისთვის დასაწერად. მაგრამ არიან ადამიანები, რომლებიც რეალურად გულშემატკივრობენ და თანაუგრძნობენ ამ ხალხს…
[…]
მედიკამენტის ფასი ჩვენთვის არც პირველი და არც მეორე ხარისხოვან საკითხთა რიგს არ მიეკუთვნება. თუმცა მათთვის, ვინც ამაზე ხელის მოთბობას ცდილობს, მარკეტინგულ მაღალ ინტერესს ნამდვილად განაპირობებს. როცა ათეულობით და ასეულობით მილიონ ლარზეა საუბარი, ეს აისახება მარკეტინგის აგრესიულობაზეც. ერთადერთი განსახილველი საკითხია, თუ რამდენად არის ეს ის წამალი, რომელსაც შეუძლია სიკეთის მოტანა ფატალური რისკების შექმნის გარეშე” – განაცხადა მიხეილ სარჯველაძემ.