უწყვეტი პროტესტის მონაწილეს, აქტივისტ დარეჯან ცხვიტარიას პოლიციამ კარავი მე-9 წაართვა. ინფორმაციას ამის შესახებ თეონა ჭალიძე სოციალურ ქსელში ავრცელებს და ვიდეოს ავრცელებს.
ოპოზიციონერის თქმით, აქტივიტს წაართვეს პირადი ნივთებიც, რის გამოც ქალს ღაით ძილი ცივ რკინაზე უწევს. ჭალიძე სახალხო დამცველს რეაგირებისკენ მოუწოდებს. მისი თქმით, აღნიშნულთან დაკავშირებით გეგმავს, მიმართოს დიპლომატიურ კორპუსსაც.
თავად დარეკან ცხვიტარია მომხდარს “წამებად” აფასებს და ომბუდსმენს უმოქმედობაში ადანაშაულებს.
“სახალხო დამცველს დღესაც დავურეკე, დიდი ხანია უკვე განაცხადი გაკეთებული მაქვს, რომ მოსულიყვნენ და თვითონ, თავიანთი თვალით ეხილათ ჩემი მდგომარეობა, მაგრამ დღემდე არავინ მოსულა. დღეს ველაპარაკე და ვსწავლობთო და რას სწავლობენ ასეთს? ვიცი, რომ ჩემი საქმე ორად არის გაყოფილი – ერთი არის სისხლის სამართალი, მეორეა ადმინისტრაციული. შსს-ში გადავაგზავნეთ წერილიო, შსს-ს მიაქვს აქედან ყველაფერი და შსს რა უდნა მოსთხოვოს? თითონ ხომ უნდა მოსულიყვნენ, ადმიანის უფლებების დამცველი უნდა იყვნენ, მე რა წამებას გავდივარ. არცერთი არ მოსულა. მითხრეს, რომ გადავცემ უფროსს და ალბათ მოვლენო. არ ვიცი, მოვლენ თუ არა.
წუეხელის ღამის 4 საათზე მოვიდნენ, როდესაც ადამიანი ღრმა ძილში შედის და ეს არ არის წამება? აზრზეც ვერ მოდიხარ, ქალბატონო დარეჯან, გაიღვიძეთ! და ეს რომ ყურში ჩაგესმის. ჯერ ერთი, ისედაც მოლოდინში ხარ ადამიანი, რომ ახლა მოვლენ, ახლა მოვლენ… თავზე დამადგნენ და მეუბნებიან, რომ უნდა გავიღვიძო და უნდა ავდგე რა რაც გამაჩნია ყველაფერი უნდა წაიღონ, ქოლგა პლედები, “გრელკა”. მეცხრედ წაიღეს უკვე ყველაფერი”, – ამბობს ცხვიტარია.
კარვები პარლამენტის შენობასთან ბოლო რამდენიმე თვეა გაშლილია. იქ 2025 წლის 28 ოქტომბერს რამდენიმე ადამიანმა შიმშილობა გამოაცხადა, მათ შორის იყვნენ გედევან ფოფხაძე და დარეჯან ცხვიტარია.