ეკა სეფაშვილი აცხადებს, რომ საქართველოს ხელისუფლება ასოცირების შეთანხმებით გათვალისწინებულ ვალდებულებებს ასრულებს, ხოლო ევროკავშირთან დიალოგის შეწყვეტაში პასუხისმგებლობას თავად ევროკავშირის ბიუროკრატიას აკისრებს.
“ევროკავშირთან დაახლოების პროცესი მიმდინარეობს ჩვეულ რეჟიმში, საქართველოს მთავრობა ასრულებს იმ ევროდირექტივებს, რომელიც ასოცირების შეთანხმებაშია გაწერილი და თუ ვინმე არღვევს ასოცირების შეთანხმებას, ეს არის ევროკავშირის დღევანდელი ბიუროკრატია, რომელიც არ ასრულებს ასოცირების ხელშეკრულებაში მითითებულ იმ ვალდებულებას, რომელიც მდგომარეობს ევროკავშირის მხარესთან დიალოგში, სწორედ ეს დიალოგი შეწყვიტა ევროკავშირმა, სხვა მეტი არაფერი ევროკავშირთან ინტეგრაციის თვალსაზრისით არ შეწყვეტილა” – თქვა ხალხის ძალის წევრმა ეკა სეფაშვილმა პარლამენტის დღევანდელ სხდომაზე.