მაკა ბოჭორიშვილი აცხადებს, რომ საქართველოს ევროკავშირში გაწევრიანების პროცესი ქვეყანას არ შეუჩერებია და დიალოგი სწორედ ევროკავშირის მხრიდან არის შეჩერებული.
– ჟურნალისტი: ირაკლი კობახიძის განცხადება მოგვეჩვენა?
– მაკა ბოჭორიშვილი: კი, მოგეჩვენათ.
ბოჭორიშვილის თქმით, საქართველოს ევროკავშირში გაწევრიანების პროცესი თავად არ შეუჩერებია:
“ჩვენ არასდროს არ გვითქვამთ უარი დიალოგზე… ევროკავშირს აქვს დღეს დიალოგი საქართველოსთან შეჩერებული… ევროინტეგრაცია ესე არ ჩერდება – ეს არის თქვენი პროპაგანდა. მოლაპარაკებები საერთოდ არ გახსნილა საქართველოსთან…” – ამბობს ბოჭორიშვილი.
2024 წლის 28 ნოემბერს კობახიძემ თქვა: “დღეს მივიღეთ გადაწყვეტილება, 2028 წლის ბოლომდე დღის წესრიგში არ დავაყენოთ ევროკავშირთან მოლაპარაკებების გახსნის საკითხი”
