თვითდამკვიდრება ჩემი დაკნინების ხარჯზე არავის წარმატებას არ მოუტანს – ამ სიტყვებით გამოეხმაურა საქართველოს მესამე პრეზიდენტი სასამართლო პროცესზე ოპოზიციის ლიდერების განცხადებას.
სააკაშვილმა გაერთიანების მნიშვნელობას კიდევ ერთხელ გაუსხვა ხაზი და თქვა, რომ ახლა სწორედ ერთად დგომის და კონსოლიდაციის დროა.
მისივე თქმით, იმ ადამიანების უმრავლესობა, ვინც მას აკრიტიკებს, მისი ხელისუფლებაში ყოფნის დროს სხვადასხვა პოზიციებს იკავებდნენ და პოლიტიკაში აქტიურად იყვნენ ჩართულები.
არის ისეთი ხალხი, ვისაც ჩავაცვი, პირდაპირი მნიშვნელობით და იმან გამხადა, – განაცხადა სააკშვილმა.
“მე მინდა, ვთქვა, რამდენიმე სიტყვა ჩემს გარშემო ატეხილ ამბავზე. მე გამიხარდება, რომ ოპოზიცია იყოს აქტიური და შემტევი. მაგრამ ამავე დროს მინდა გითხრათ, რომ თვითდამკვიდრება ჩემი დაკნინების ხარჯზე, არავის წარმატებას არ მოუტანს პოლიტიკაში, რამდენიც არ უნდა იძახონ, რომ სააკაშვილი წარსული პოლიტიკოსია, თქვენ ხომ ხართ მომავლის პოლიტიკოსი? მე მივესალმები თქვენს გამარჯვებას. ვინც მე მაკრიტიკებს, ამ ხალხის 90 % ჩემს დროსაც აქტიურად იყო პოლიტიკაში. თუ ესენი არ იყვნენ, არიან იმ ხალხის შვილები ვინც იყო. არსებობს სხვადასხვა ხალხი, ვინც მე ფეხზე დავაყენე და სულ ფეხს მიდებენ. არის ისეთი ხალხი, ვისაც ჩავაცვი, პირდაპირი მნიშვნელობით და იმან გამხადა. მათგან უმეტესობა ძალიან კარგი ხალხია. ამ ძალიან კარგ ხალხს, მათ შორის ახალ ხალხს სჭირდება გაფრთხილება, გაერთიანება, ერთად ბრძოლა. ძალიან ბევრმა გადადო თავი, ბევრი მოხვდა ციხეში, ახლაც ციხეში არიან, ან ემქურებათ ციხე და მე ამ ხალხს ვცემ ძალიან დიდ პატივს, – განაცხადა სააკაშვილმა.