ასულ ღამეს რუსულმა ძალებმა ოდესის ოლქს დრონებით შეუტიეს. დაზიანდა პორტისა და სამოქალაქო ინფრასტრუქტურა და დაშავდა ერთი ადამიანი.
ოდესის ოლქის ადმინისტრაციის ხელმძღვანელის, ოლეგ კიპერის ინფორმაციით, პორტის ტერიტორიაზე განადგურდა ტექნიკური აღჭურვილობა, ზეთის რეზერვუარები და სატვირთო ტრანსპორტი. გაჩნდა ხანძრებიც, რომლებიც მაშველებმა უკვე ჩააქრეს.
დაზიანდა საცხოვრებელი კორპუსიც — მრავალსართულიან შენობაში ფანჯრები ჩაიმსხვრა. ასევე დაფიქსირდა სამრეწველო ინფრასტრუქტურის დაზიანება.
უკრაინის ვიცე-პრემიერის, ოლექსეი კულებას განცხადებით, დარტყმის შედეგად დაზიანდა ლოგისტიკური ობიექტები, საწყობები და ადმინისტრაციული შენობები.
თავდასხმის დროს პორტში დაზიანდა პალაუს დროშის ქვეშ მცურავი სამოქალაქო გემი, თუმცა ეკიპაჟის წევრებს შორის დაშავებულები არ არიან.