აშშ-სა და ირანს შორის კონფლიქტის დარეგულირების მიზნით მიმდინარე მოლაპარაკებები ჩიხში შევიდა, რაც დიპლომატიური გარღვევის იმედებს მნიშვნელოვნად ამცირებს. ორი თვის განმავლობაში მიმდინარე დაპირისპირების ფონზე, მხარეები საკუთარი პირობების შერბილებას არ აპირებენ.
ირანის საგარეო საქმეთა მინისტრმა აბას არაღჩის შუამავლობის მისიით პაკისტანში ვიზიტი შედეგის გარეშე დაასრულა. პარალელურად, აშშ-ის პრეზიდენტმა დონალდ ტრამპმა გააუქმა თავისი წარმომადგენლების — სტივ უტკოფის და ჯარედ კუშნიერის დაგეგმილი ვიზიტი ისლამაბადში, რაც მოლაპარაკებების პროცესს დამატებით ართულებს.
ექსპერტების შეფასებით, არსებული ვითარება ზრდის გლობალურ ეკონომიკურ რისკებს — ენერგორესურსებზე ფასები უკვე მრავალწლიან მაქსიმუმს აღწევს, იზრდება ინფლაციური ზეწოლა და უარესდება ეკონომიკური ზრდის პერსპექტივა.
ირანის პრეზიდენტმა მასუდ ფეზეშქიანმა განაცხადა, რომ თეირანი არ დათანხმდება „დაძალებულ მოლაპარაკებებს“, რომლებიც მუქარის ან ბლოკადის პირობებში მიმდინარეობს. მისი თქმით, მოლაპარაკებების დაწყებამდე ვაშინგტონმა უნდა მოხსნას ირანის პორტებზე დაწესებული შეზღუდვები.
ამავე დროს, ირანული მხარე აცხადებს, რომ არ მიიღებს შეერთებული შტატების „მაქსიმალისტურ მოთხოვნებს“.
აშშ-ის პრეზიდენტმა დონალდ ტრამპმა კი აღნიშნა, რომ მოლაპარაკებები არაეფექტიანია და ირანის წინადადებები არასაკმარისია.
დაძაბული მოლაპარაკებების ფონზე, კონფლიქტის დარეგულების პერსპექტივა ამ ეტაპზე ბუნდოვანი რჩება.