პენტაგონში ნატოში ესპანეთის წევრობის შეჩერებას განიხილავენ. მედიის ინფორმაციით, ეს იქნება ერთგვარი სადამსჯელო ზომა იმ მოკავშირეების წინააღმდეგ, ვინც მხარი არ დაუჭირეს ამერიკის ოპერაციებს ირანის წინააღმდეგ ომში.
შეთავაზებულ ზომებს შორისაა „პრობლემური“ ქვეყნების წარმომადგენელთა გათავისუფლება ნატოს მნიშვნელოვანი ან პრესტიჟული თანამდებობებიდან, ვაშინგტონის პოზიციის გადახედვა ფოლკლენდის კუნძულებზე ბრიტანეთის პრეტენზიების საკითხში, ასევე ჩრდილოატლანტიკურ ალიანსში ესპანეთის წევრობის შეწყვეტა.
ამის შესახებ Reuters-მა ცნობა 24 აპრილს ანონიმ ამერიკელ ოფიციალურ პირზე და პენტაგონის შიდა მოხმარების ელექტრონულ წერილზე დაყრდნობით გამოაქვეყნა.
ნატო-ს ოფიციალურმა პირმა BBC-ს განუცხადა, რომ ორგანიზაციის დამფუძნებელი ხელშეკრულება „არ ითვალისწინებს რაიმე დებულებას ნატო-ს წევრობის შეჩერების ან მისგან გარიცხვის შესახებ“.
ინფორმაციას ესპანეთის პრემიერ-მინისტრი პედრო სანჩესიც გამოეხმაურა და განაცხადა, რომ ქვეყანა არა ელექტრონულ ფოსტაზე დაყრდნობით, არამედ ოფიციალური დოკუმენტებით მუშაობს.
„ჩვენ არ ვმუშაობთ ელექტრონული ფოსტით. ჩვენ ვმუშაობთ ოფიციალური დოკუმენტებით“, – უპასუხა სანჩესმა ჟურნალისტს საკითხთან დაკავშირებით დასმული შეკითხვის საპასუხოდ.