სასახლის ღობის საქმე – ბრალდებულ გიორგი რურუას ადვოკატი ამბობს, რომ პროკურატურას საპროცესო შეთანხმების გაფორმების თხოვნით რამდენჯერმე მიმართა, თუცა ამ დრომდე ბრალდების მხარეს არ უთქვამს, გაუფორმებენ თუ არა 4 ოქტომბრს განვითარებული მოვლენებსი ფარგლებში დაკავებულს.
როგორც უფლებადამცველი ამბობს, პროკურატურამ საქმეში მისი დაცვის ქვეშ მყოფის წინააღმდეგ მხოლოდ სამ წამიანი აკდრები ჩადო.
7 თვეა ამ სამ წამიანი ემოციის გამო იხდის ფაქტიურად სასჯელს – ამბობს ადვოკატი.
“ჩვენ მივმართეთ საპროცესოსთან დაკავშირებით რამოდენიმეჯერ, ქართულადაც დავუწერეთ, მეგრულადაც, სვანურადაც, ახლა დამრჩა რუსული და ინგლისური. მეტი ენა მე არვიცი. არვიცი ალბათ კოსმოსიდან ელოდებიან დადებით პასუხს. თურმე სამ წამში ჭიშკრის შენჯღრევით შიეძლება პრეზიდენტის ადმინისტრაციის აღება. ჩემი დაცვის ქვეშ მყოფზე არის მხოლოდ სამ წამიანი კადრი, სადაც ჩანს, თუ როგორ ანჯღრევს ჭიშკარს ემოციურად. სხვა არაფერი არ არის. 7 თვეა ამ სამ წამიანი ემოციის გამო იხდის ფაქტიურად სასჯელს. ძალიან მძიმედ არის, ადამიანზე ფსიქოლოგიური ზეწოლაა, რადგან ასეთ ავადმყოფის ციხეში ყოფნა იმის გამო, რომ ჭიშკარი სამი წამით შეანჯღრია, ძალიან ცუდი ფაქტია”, – ამბობს ადვოკატი.
რურუას მსგავსად, პროკურატურას საპროცესო შეთანხმების გაფორმებაზე კიდეევ რამდენიმე ბრალდებულმა მიმართა, თუმცა ადვოკატების თქმით, სახელმწიფო ბრალდებას ამ დრომდე პასუხი არ გაუცია.
გიორგი რურუას ბრალდება საქართველოს სისხლის სამართლის კოდექსის 19-222-ე მუხლის მე-2 ნაწილის ,,ა“ ქვეპუნქტით (სტრატეგიული და განსაკუთრებული მნიშვნელობის ობიექტის ხელში ჩაგდების მცდელობა, ჩადენილი ჯგუფურად) და 225-ე მუხლის მეორე ნაწილით (ჯგუფურ ძალადობაში მონაწილეობა) აქვს წარდგენილი, რაც სასჯელის სახედ და ზომად ექვს წლამდე თავისუფლების აღკვეთას ითვალისწინებს.