მწერალმა და ისტორიკოსმა დავით ტურაშვილმა ერეკლე მეორეს ღვაწლის შესახებ „ტვ პირველში“ ისაუბრა დ განაცხადა, რომ „გეორგიევსკის ტრაქტატის“ უარყოფითი შედეგები რუსეთის იმპერიის მოღალატეობრივი საქციელის ბრალია და არა ქართველი მეფის.
ამასთან ტურაშვილმა განმარტა, რომ ერეკლე მეფეს მაშინ უბრალოდ სხვა გზა არ ჰქონდა და რუსეთთან ტრაქტატის დადება ქვეყნის ღალატს არ ნიშნავდა.
„რუსეთის იმპერიის წინააღმდეგი ვარ, მაგრამ ერეკლეს ღვაწლს, მის შემოქმედებას, მის როლს და ფუნქციას ვერაფრით დავივიწყებ, ვისაც პრეტენზია აქვს და ჰგონია, რომ ერეკლეს ბრალი არ აქვს „გეორგიევსკის ტრაქტატში“, ძალიან მარტივია მისი წაკითხვა – ეს არ წარმოადგენს საიდუმლო დოკუმენტს და საკამათოც არაფერი იქნება, ის შედგებოდა 13 მუხლისგან და აქედან 4 იყო საიდუმლო, ამ საიდუმლო მუხლებშიც კი არაფერია ისეთი, რაც ერეკლე მეფის ბრალეულობას აჩვენებს. ერეკლე მეორე ლელა კაკულია ხო არ იყო გამოეცნო, მერე რა მოხდებოდა. მას უბრალოდ სხვა გზა არ ჰქონდა.
200 წლის შემდეგ მივხვდით, რომ ეს იყო ღალატი, მაგრამ ღალატი არა ერეკლე მეფის მხრიდან, არამედ რუსეთის მხრიდან. ივანე ჯავახიშვილს აქვს ძალიან კარგად განმარტებული – მაშინ იყო ბევრი ბოროტება და ერეკლემ ამ დიდი ბოროტებისგან „გეორგიევსკის ტრაქტატის“ სახით, ყველაზე პატარა ბოროტება აირჩია. როგორც არ უნდა მეზიზღებოდეს რუსეთის იმპერია, ვერაფრით ვიტყვი, რომ ერეკლე მეორე მოღალატე იყო, ისევე როგორც ვერ დავეთანხმები ბერძენიშვილის მოღალატეობას.“ – დათო ტურაშვილი