ჩემპიონთა ლიგის საერთო ეტაპის მეორე ტურში პსჟ სტუმრად “მანჩესტერ სიტის” უპირისპირდება. პარიზული გუნდის მთავარმა მწვრთნელმა, ლუის ენრიკემ ხვიჩა კვარაცხელია სათადარიგო სკამზე დატოვა და “ქალაქელების” წინააღმდეგ “ეტიჰადზე” ასეთი შემადგენლობა გამოიყვანა:
საფონოვი, ჰაკიმი, მარკინიოსი, პაჩო, მენდეში, ფაბიანი, ვიტინია, ზაირ-ემერი, აკლიუში, დუე, დემბელე.
მატჩი პსჟ-ს აქტიური შეტევებით დაიწყო და საწყის წუთებშივე მოახერხეს კიდეც დაწინაურება – მე-12 წუთზე დეზირე დუემ ანგარიში გახსნა, ხოლო მე-15 წუთზე უსმან დემბელემ. პარიზელების უპირატესობა ორბურთიანი გახადა.32-ე წუთზე გოლი ვიტინიამაც გაიტანა – 0-3.
პირველ ტაიმში ანგარიში აღარ შეცვლილა.
მეორე ტაიმში სიტიმ გაიტანა – 53-ე წუთზე საფონოვის კარი ჰალანდმა აიღო. 63-ე წუთზე კვლავ პარიზელებმა გაიტანეს. ამჯერად თავი აკლიუშიმ გამოიჩინა.
ხვიჩა კვარაცხელია თამაშში 66-ე წუთზე ჩაერთო. მან დეზირე დუე შეცვალა.75-ე წუთზე ერლინგ ჰოლანდმა დუბლი გაიფორმა და ანგარიში 2-4 გახდა. 90-ე წუთზე პსჟ-მ 11-მეტრიანი მოიპოვა, თუმცა ფერან ტორესმა მისი გამოყენება ვერ შეძლო და საბოლოოდ მატჩი ანგარიშით 2-4 პარიზული კლუბის გამარჯვებით დასრულდა.
მატჩის საუკეთესო ფეხბურთელად ვიტინია დასახელდა.
ანალიტიკურმა საიტებმა კი პსჟ-ს ფეხბურთელების თამაში ასე შეაფასეს:
Sofascore: საფონოვი 7.1, ჰაკიმი 6.1, მარკინიოსი 8.1, პაჩო 6.9, მენდეში 7.6, ფაბიანი 7.6, ვიტინია 8.2, ზაირ-ემერი 6.3, აკლიუში 7.5, დუე 9.4, დემბელე 7.7, კვარაცხელია 6.7, ტორესი 6.7, ნევეში 7.0, ერნანდესი 6.9, ბერალდო 6.7.
Flashscore: საფონოვი 7.1, ჰაკიმი 6.0, მარკინიოსი 7.1, პაჩო 6.9, მენდეში 7.4, ფაბიანი 7.5, ვიტინია 7.7, ზაირ-ემერი 6.3, აკლიუში 6.5, დუე 8.8, დემბელე 7.7, კვარაცხელია 6.4, ტორესი 6.0, ნევეში 6.7, ერნანდესი – შეფასების გარეშე, ბერალდო – შეფასების გარეშე.