ოკუპირებულ აფხაზეთში ე.წ. პარლამენტმა რუსული სკოლის გახსნა დაამტკიცა, რომელიც რუსული სამხედრო ბაზის ტერიტორიაზე განთავსდება – ინფორმაციას აფხაზური მედია ავრცელებს და წერს, რომ სასწავლო დაწესებულება სამხედრო მოსამსახურეებისა და სამოქალაქო პერსონალის შვილებისთვის გუდაუთაში მდებარე რუსული სამხედრო ბაზის ტერიტორიაზე შეიქმნება.
როგორც დე ფაქტო პრეზიდენტის წარმომადგენელმა პარლამენტში, დიმიტრი შამბამ განმარტა, ეს ხელს შეუწყობს ადგილობრივი აფხაზური სკოლების განტვირთვას, სადაც მოსწავლეთა ჭარბი რაოდენობის გამო სწავლა რამდენიმე ცვლაში მიმდინარეობს.