„ზუთხის მთვარე 28 აგვისტოს ამოდის. აგვისტოს სავსე მთვარეს თავისი სახელიც აქვს. მას ყოველთვის ჰქონდა“, – აღნიშნულის შესახებ სოციალურ ქსელში მინეროლოგი თამუნა იოსელიანი პოსტს აქვეყნებს.
„ზუთხის მთვარე (Sturgeon Moon) – ეს სახელწოდება ჩრდილოეთ ამერიკის დიდი ტბების რეგიონში მცხოვრებმა მკვიდრმა ხალხებმა დაარქვეს, რადგან აგვისტოში დიდი ტბის ზუთხი განსაკუთრებით მრავლად იყო და მისი დაჭერაც უფრო ადვილი ხდებოდა. ეს თევზი მათთვის საკვების მნიშვნელოვანი წყარო იყო, ამიტომ ამ სეზონზე ამოსულ სავსე მთვარეს მისი სახელი ეწოდა და ეს ტრადიცია საუკუნეების განმავლობაში გაგრძელდა.
2026 წლის 28 აგვისტოს ზუთხის მთვარე სავსეობის პიკს საქართველოს დროით დაახლოებით დილის 08:19 საათზე მიაღწევს.
მაგრამ ამ სავსე მთვარეს კიდევ ერთი განსაკუთრებული მოვლენა ახლავს – მთვარის ნაწილობრივი დაბნელება თევზების ზოდიაქოს ნიშანში. დაბნელების მაქსიმუმი საქართველოს დროით დაახლოებით 08:13 საათზე იქნება.
და აქ უკვე იწყება ამ დღის ეზოთერული მნიშვნელობა…
თევზები ზოდიაქოს ერთ-ერთ ყველაზე მისტიკურ, ინტუიციურ და სულიერ ნიშნად მიიჩნევა. სწორედ ამიტომ, ეზოთერულ პრაქტიკებში თევზების ენერგიასთან დაკავშირებულ პერიოდს ხშირად უკავშირებენ გაშვებას, ძველი ენერგიებისგან გათავისუფლებას, ემოციურ გაწმენდასა და შინაგანი სივრცის გასუფთავებას.
ამიტომ 28 აგვისტოს დაბნელების ენერგია განსაკუთრებით შესაფერის პერიოდად შეიძლება აღიქმებოდეს ენერგეტიკული წმენდებისთვის, ძველი კავშირებისა და ემოციების გაშვებისთვის და იმ ყველაფრისგან გათავისუფლებისთვის, რასაც უკვე აღარ უნდა ატარებდეთ საკუთარ თავში.
ეს არ ნიშნავს, რომ დაბნელება მეცნიერულად „წმენდს“ ენერგიას – ეს სწორედ ეზოთერული ინტერპრეტაციაა.
სავსე მთვარის საინტერესო ფაქტები:
→ სავსე მთვარის დროს მზის სხივები მთვარის ზედაპირს თითქმის პირდაპირ ეცემა – ჩრდილები თითქმის ქრება და მთვარის სიკაშკაშე მნიშვნელოვნად იმატებს.
→ სავსე მთვარე დაახლოებით მზის ჩასვლისას ამოდის და მთელი ღამის განმავლობაში ჩანს.
→ ისეთი სახელწოდებები, როგორიცაა „ზუთხის მთვარე“, სხვადასხვა მკვიდრი ხალხის ტრადიციებში გვხვდება. თითოეულ კულტურას აგვისტოს სავსე მთვარისთვის საკუთარი, სეზონთან დაკავშირებული სახელები ჰქონდა.
ამიტომ 28 აგვისტოს ღამეს მე სპეციალურად ვაკეთებ ენერგეტიკულ წმენდებს.
ეს იქნება დრო, რომ გავუშვათ ძველი, გავწმინდოთ სივრცე და ადგილი დავუთმოთ ახალ ენერგიას.“,- წერს თამუნა იოსელიანი.