მინისტრის ცვლილების შემდეგ, საქართველოს შინაგან საქმეთა მინისტრის პირველ მოადგილესა და მოადგილეებს უფლებამოსილება შეუწყდათ – ინფორმაციას BMG ავრცელებს. მათივე ცნობით, ბრძანებას ხელი კობახიძემ მოაწერა.
დღემდე მინისტრის პირველი მოადგილე როლანდ მესხი იყო, მოადგილეები კი შალვა თადუმაძე, ალექსანდრე დარახველიძე, გიორგი სახოკია და მარიამ ტაბატაძე.
შეგახსენებთ, გუშინ მთავრობის ადმინისტრაციაში გამართულ ბრიფინგზე გახდა ცნობილი, რომ გელა გელაძე სუსის ხელმძღვანელი გახდა და ის პოსტზე სულხან თამაზაშვილმა ჩაანაცვლა.
უცნობია, ეს მხოლოდ პროცედურული უფლებამოსილების შეწყვეტაა და დააბრუნებს სულხან თამაზაშვილი პოსტზე მოადგილეებს, თუ უწყებაში დაბრუნებული ყოფილი პოლიციელი მოადგილეებად სხვა პირებს დანიშნავს.
კობახიძემ დღეს მოაწერა ხელი გელა გელაძის შს მინისტრობიდან განთავისუფლებას და თამაზაშვილის დანიშვნასაც.