ბრიტანელმა მომღერალმა დუა ლიპამ უკრაინელ მედიკოსებს სამედიცინო ავტომობილი აჩუქა – ინფორმაციას უკრაინული მედია ავრცელებს და წერს, რომ დუა ლიპას პლატფორმის მეშვეობით, სამედიცინო ავტომობილი პირველი ცალკეული ქვედანაყოფისთვის შეიძინეს. მათივე ცნობით, თანხა დუა ლიპას დაფუძნებული პლატფორმის Service95-ის მხარდაჭერით შეგროვდა.
“იმის ალბათობა, რომ დუა ლიპა ჩვენი დანაყოფისთვის ავტომობილის შესაძენად თანხების შეგროვებაში დაგვეხმარებოდა, დიდი არ იყო… მაგრამ ის არასოდეს ყოფილა ნულის ტოლი… მადლობას ვუხდით დუა ლიპას, Service95-სა და Driving Ukraine-ს ამ მძლავრი ავტომობილისთვის. ის დაგვეხმარება საბრძოლო ზონაში სიცოცხლის გადამრჩენი მისიების განხორციელებაში” – ნათქვამია ქვედანაყოფის განცხადებაში.