“მთავარის” ინფორმაციით, ირაკლი კობახიძის 18:00 საათზე დაგეგმილი ბრიფინგი საკადრო ცვლილებებს შეეხება. ჯერჯერობით უცნობია, რომელ მინისტრებს უკავშირდება კობახიძის გადაწყვეტილება.
მანამდე “აჭარა თაიმსმა” გაავრცელა ინფორმაცია, რომ აჭარის მთავრობის ხელმძღვანელის პოსტს ტოვებს სულხან თამაზაშვილი.
რამდენიმე დღის წინ “ტვ პირველი” ავრცელებდა ინფორმაციას, რომ გეკა გელაძეს შს მინისტრობიდან თავდაცვის მინისტრად გადაიყვანენ, ირაკლი ჩიქოვანს კი დიპლომატიურ მისიაში გაუშვებენ. ამავე ინფორმაციით, შს მინისტრად გელაძის ამჟამინდელი მოადგილე, რონი მესხი განიხილება.