აშშ-ის პრეზიდენტის, დონალდ ტრამპის განცხადებით, ოპერაცია „შუაღამის ჩაქუჩმა“ ირანის ბირთვული ობიექტები სრულად გაანადგურა.
ამასთან, დონალდ ტრამპმა სოციალურ ქსელში გამოქვეყნებულ პოსტში გააკრიტიკა მედია და აღნიშნა, რომ ისინი ამერიკელ ავიატორებს სათანადო პატივს არ სცემენ.
„ოპერაცია „შუაღამის ჩაქუჩმა“ ირანში ბირთვული ობიექტები სრულად და საბოლოოდ გაანადგურა. შესაბამისად, ნანგრევების ამოთხრა ხანგრძლივი და რთული პროცესი იქნება. ყალბი მედია „სიენენი“ და სხვა კორუმპირებული მედიასაშუალებები და პლატფორმები ჩვენს დიდებულ ავიატორებს სათანადო პატივს არ სცემენ“, – წერს დონალდ ტრამპი სოციალურ ქსელში.