უკრაინის დედაქალაქ კიევში უცნობმა პირმა ხალხს ცეცხლი გაუხსნა – ინფორმაციას კიევის პოლიცია ავრცელებს.
მათივე ინფორმაციით, პოლიცია დამნაშავის დასაკავებლად სპეცოპერაციას ამ წუთებშიც ატარებს.
“წინასწარი ინფორმაციით, ერთი ადამიანი მოკლეს, არიან დაშავებულები. დაშავებულთა რაოდენობა ზუსტდება”, – ნათქვამია კიევის პოლიციის განცხადებაში.
კიევის მერის, ვიტალი კლიჩკოს ცნობით, ექიმების ცნობით სროლის შედეგად ორი ადამიანი დაიღუპა, ხოლო ხუთი დაჭრილი, მათ შორის ერთი ბავშვი, საავადმყოფოში გადაიყვანეს.
განახლაბა:
უკრაინის პრეზიდენტმა ვოლოდიმირ ზელენსკიმ დაწერა, რომ კიევში სროლის შედეგად ამ დროისთვის ხუთი ადამიანის დაღუპვის შესახებ არის ცნობილი.
„ამჟამად, ჭრილობებითა და დაზიანებებით საავადმყოფოში 10 ადამიანია გადაყვანილი. ყველა საჭირო სამედიცინო დახმარებას იღებს. ოთხი მძევალი გადარჩა. ჩვენ ველით სწრაფ გამოძიებას. უკრაინის ეროვნული პოლიციისა და უსაფრთხოების სამსახურის გამომძიებლები მუშაობენ. მე დავავალე უკრაინის შინაგან საქმეთა მინისტრს და უკრაინის ეროვნული პოლიციის უფროსს, საზოგადოებას მიაწოდონ ამ საქმესთან დაკავშირებით ყველა დადასტურებული ინფორმაცია“, – დაწერა ზელენსკიმ Telegram- ზე .