უკრაინის პრეზიდენტის, ვოლოდიმირ ზელენსკის თქმით, კიევში სროლის შედეგად 5 ადამიანი დაიღუპა, 10 საავადმყოფოში გადაიყვანეს, მსროლელი მოკლულია.
“ამ წამს უკრაინის შინაგან საქმეთა მინისტრმა, იგორ კლიმენკომ შემატყობინა კიევში თავდამსხმელის ლიკვიდაციის შესახებ, რომელმაც ხალხს გაუხსნა ცეცხლი. ყველა გარემოება დგინდება. ამ მომენტისთვის ცნობილია 5 დაღუპულის შესახებ. ვუსამძიმრებ ნათესავებსა და ახლობლებს.
ამ მომენტისთვის 10 ადამიანია საავადმყოფოში გადაყვანილი ჭრილობებითა და ტრავმებით. ყველას საჭირო დახმარებას უწევენ. ოთხი მძევლის გადარჩენა მოხერხდა,” – წერს ზელენსკი.
უკრაინის დედაქალაქ კიევში უცნობმა პირმა ხალხს ცეცხლი რამდენიმე წუთის წინ გაუხსნა.