ლიბერტარიანული პარტიების საერთაშორისო ალიანსმა საქართველოს შესახებ რეზოლუცია მიიღო. დოკუმენტში საქართველოში არსებული ვითარებაა მიმოხილული – შეფასებულია დემოკრატიის და ადამიანის უფლებების მდგომარეობა.
რეზოლუციაში ცალკე თავი ეთმობა “კოალიცია ცვლილებისთვის” წევრის გელა ხასაიას პატიმრობას – ნათქვამია, რომ ეს საქმე სავარაუდოდ, პოლიტიკურად არის მოტივირებული.
რეზოლუცია მიუთითებს, რომ ქვეყანას 120-ზე მეტი პოლიტიკური პატიმარი ყავს და რომ ოპოზიციისა და აქტივისტების მიმართ ხდება თვითნებური დაკავებები
მთავარ მოთხოვნებს შორის დასახელებულია კვლავ გელა ხასაიას გვარი და წერია, რომ საჭიროა ამ საქმეს ყურადღებით დააკვირდნენ.
საქართველოში დემოკრატიისა და ადამიანის უფლებების მდგომარეობა მკვეთრად უარესდება – ამას უკვე საერთაშორისო დონეზეც აფიქსირებენ.
ლიბერტარიანული პარტიების საერთაშორისო ალიანსმა მიიღო რეზოლუცია, სადაც გელა ხასაიას დაკავება შეფასებულია როგორც სავარაუდოდ პოლიტიკურად მოტივირებული საქმე.
რეზოლუცია მიუთითებს, რომ:
• ქვეყანაში უკვე 120-ზე მეტი პოლიტიკური პატიმარია
• ოპოზიციისა და აქტივისტების მიმართ ხდება თვითნებური დაკავებები
• პროტესტის წინააღმდეგ გამოიყენება გადაჭარბებული ძალა
• არსებობს პატიმრების მიმართ არასათანადო მოპყრობისა და ზეწოლის ნიშნები
• სასამართლოს დამოუკიდებლობა სერიოზული კითხვის ნიშნის ქვეშ დგას
საერთაშორისო პარტნიორები მოითხოვენ:
ყურადღებით დააკვირდნენ გელა ხასაიას საქმეს და უზრუნველყონ საერთაშორისო სტანდარტების დაცვა
საჯაროდ და პირადად იმუშაონ ქართულ რეჟიმთან პოლიტიკურად მოტივირებული დევნის საკითხზე
მოითხოვონ სამართლიანი, გამჭვირვალე და დამოუკიდებელი სასამართლო
განიხილონ მისი გათავისუფლების მხარდაჭერა, თუ უფლებების დარღვევა დადასტურდება
გააძლიერონ ყურადღება საქართველოში ადამიანის უფლებებისა და დემოკრატიის საერთო მდგომარეობაზე
პოლიტიკური პლურალიზმისა და სამოქალაქო თავისუფლებების დაცვა დემოკრატიის საფუძველია.
დღეს საქართველოში მიმდინარე პროცესები საფრთხეს უქმნის არა მხოლოდ კონკრეტულ ადამიანებს, არამედ ქვეყნის დემოკრატიულ მომავალს მთლიანობაში.