“გაიღვიძა ერთ დილას ივანიშვილმა, და გადაწყვიტა, რომ ჰაერის და გარემოს დაბინძურება შემაწუხებელი და მისთვის პირადად სახიფათოა: 100 წლის ნაცვლად, 97 რომ იცოცხლოს ამის გამო? ” – წერს სოციალურ ქსელში ნიკა გვარამია, ინფორმაციაზე, რომ აბასთუმნის ცა ივანიშვილის მოთხოვნით იკეტება.
“გაიღვიძა ერთ დილას ივანიშვილმა, და გადაწყვიტა, რომ ჰაერის და გარემოს დაბინძურება შემაწუხებელი და მისთვის პირადად სახიფათოა: ასი წლის ნაცვლად, 97 რომ იცოცხლოს ამის გამო? მერე გადაწყვიტა მთავარი პრობლემები დაედგინა თავის სიბრძნით და დაადგინა: მანქანები და თვითმფრინავების გამონაბოლქვი, პლასტმასის ბოთლები… ბევრი არ უფიქრია და “მთავრობას” დაავალა პლასტმასის ბოთლების აკრძალვა, 6 წელზე ძველი მანქანების აკრძალვა, თვითმფრინავის მის სახლზე გადაფრენის აკრძალვა.
მთავრობამ (არც მას უფიქრია) და “პარლამენტს” დაავალა. ეს უკანასკნელი ისედაც არ ფიქრობს, და მიიღო ყველაფერი, რაც საჭირო იყო. აკრძალვების ქვეყანაში კიდევ რამდენიმე აკრძალვა გაჩნდა.
ზუსტად ეს არის ზემოხსენებული უკიდურესად მავნებლური და განუმეორებლად სულელური კანონების მიღების ანატომია. და ასე იქნება ყველგან და ყველაფერში მანამ, სანამ ივანიშვილისაა მთელი საქართველო: პლასტმასის ბოთლებიან, ძველ თუ ახალ მანქანებიან, გადამფრენ ფრინველებიან-თვითმფრინავებიანად. 26 მაისს, რუსთაველზე, ბევრნი ვიქნებით! ვიდგებით ერთად, ბოლომდე, გამარჯვებისთვის!” – წერს სოციალურ ქსელში კოალიცია ცვლილებისთვის ლიდერი ნიკა გვარამია
16 აპრილს ძალაში შევიდა მთავრობის გადაწყვეტილება, რომელიც ქვეყნის საჰაერო სივრცის სტრუქტურას ცვლის და დაბის გარშემო 52 კმ. დიამეტრზე საავიაციო ტრანსპორტის მოძრაობას ზღუდავს. რადიო თავისუფლების ცნობით, აბასთუმნის თავზე ცის ჩაკეტვა ბიძინა ივანიშვილის მოთხოვნა იყო, რომელსაც კურორტზე საოჯახო რეზიდენცია აქვს მოწყობილი