“სანქციების შიშით რუხაძე “ლიბერთი ბანკიდანაც” გაიქცა…საქართველოს მოსახლეობის 42 პროცენტის პერსონალური მონაცემები ჩინურ კომპანიას ექნება” – წერს რომან გოცირიძე, რომელიც რუხაძის მიერ „ლიბერთი ბანკის“ გაყიდვას ეხმაურება.
“სანქციების შიშით რუხაძე “ლიბერთი ბანკიდანაც” გაიქცა. იგი “ბაზისბანკმა” შეიძინა. 1,6 მილიონზე მეტი ჩვენი მოქალაქის პენსიებსა და სოციალურ შემწეობებს ჩინეთის კონტროლქვეშ მყოფი ბანკი დაარიგებს. საქართველოს მოსახლეობის 42 პროცენტის პერსონალური მონაცემები ჩინურ კომპანიას ექნება. სხვა რამის გამო კი არ გააყიდინეს ტიკტოკი ამერიკაში ჩინელებს. თუ რაიმე კარგი გვინდა რომ დავინახოთ ამ გარიგებაში არის ის, რომ “ლიბერთი ბანკი” სანქციების საფრთხიდან გამოვიდა” – წერს რომან გოცირიძე სოციალურ ქსელში.
დღეს BMG-მ გაავრცელა ინფორმაცია, რომ ბაზის ბანკმა ლიბერთი ბანკი შეიძინა.