“ეს იყო რეპრესიების და ტერორის 500 დღე” – პროტესტის 500 დღე და შაბათის ტრადიციული მარში თბილისში

დღეს უწყვეტ პროტესტს 500 დღე შეუსრულდა. შაბათის მარშის მონაწილეები ცოტა ხნის წინ დაიძრნენ ფილარმონიიდან პარლამენტის მიმართულებით.

ეს იყო იყო რეპრესიების და ტერორის 500 დღე – ასე აფასებს პროტესტის 500 დღეს გამომცემელთა მსოფლიო ასოციაციის პრეზიდენტი გვანცა ჯობავა.

როგორც ჯობავა “პირველებთან” აცხადებს, ეს გზა ძალიან რთული იყო, თუმცა ამად ღირდა.

“ჩვენ 500 დღის განმავლობაში გავდივართ ეკლიან გზას. ეს იყო რეპრესიების და ტერორის 500 დღე, რომელიც ხალხმა გამოიარა, მარამ თითოეულ ადამიანს ღრმად სწამს, რომ გარდაუვალი აღდგომა არის ძალიან აღდგომა. დღეს სწორედ ასეთი მნშვნელოვანი დღეა თითოეული ქართველისთვის. ძალიან რთული იყო, მაგრამ ეს ყვეალფერი ამად ღირდა. ქართველი ხალხი წლებისა და საუკუნეების განმავლობაში ბრძოლაში არ დანებებულა, ამიტომ ჩვენ ვიბრძოლებთ და მივალთ ბოლომდე”, – აცხადებს გვანცა ჯობავა.  

ჯერ იქნება ტრადიციული მსვლელობა უცვლელი –  ახალი არჩევნების ჩატარების და პოლიტიკური პატიმრების გათავისუფლების მოთხოვნით, შემდეგ მარშის ყველა მონაწილე ქაშუეთის ტაძართან მივა.

უკვე მეორე წელია პროტესტში ჩართული მოქალაქეები აღდგომის დღესასწაულს სანთლებით ხელში რუსთაველზე ხვდება. უკვე მეორე წელია, აღდგომას ციხეში ხვდება 40-ზე მეტი სინდისის პატიმარი.