“გლოვის დღეებში მთელი ერი უნდა ერთიანდებოდეს, დღეს რადიკალების მცირე ჯგუფი ვიხილეთ, რომელიც ძალიან ხმაურობს და ყოვლად შეუსაბამოდ იქცევა” – ლევან მაჭავარიანი

გლოვის დღეებში მთელი ერი უნდა ერთიანდებოდეს პოლიტიკური გემოვნების თუ განსხვავებული პოზიციების მიუხედავად, დღეს რადიკალების მცირე ჯგუფი ვიხილეთ, რომელიც ძალიან ხმაურობს და ყოვლად შეუსაბამოდ იქცევა, მით უფრო, 9 აპრილთან მიმართებაში, – ამის შესახებ ლევან მაჭავარიანმა საქართველოს პირველ არხს განუცხადა.

მისი თქმით, პოლარიზაციას გარე ძალები უწყობენ ხელს.

„ეს ყველაფერი სამწუხაროა იქიდან გამომდინარე, რომ ვხედავთ, თუ როგორ პოლარიზაციას უწყობენ ხელს გარე ძალები და თუ როგორ აპირისპირებენ ერთმანეთთან მოქალაქეებს. სხვათა შორის, ამაში დიდი წვლილი საქართველოში აკრედიტირებულ ელჩებს მიუძღვით, რომლებიც ძალადობას არ ემიჯნებიან და ირიბად ამ ყველაფერს ახალისებენ“, – განაცხადა მაჭავარიანმა.