“ლელო -ძლიერი საქართველოს” ერთ-ერთი ლიდერის, გიორგი სიორიძის თქმით, იმაზე დიდი სირცხვილი არაფერია, რომ “ქართული ოცნების” ლიდერებს შეძახილებითა და სირცხვილის კორიდორით მოუწიათ 9 აპრილის მემორიალთან მისვლა.
სიორიძემ პარალელი გაავლო 1990 წლის 9 აპრილთან, როდესაც ტრაგედიიდან ერთი წლის თავზე, მემორიალთან მაშინდელი ცენტრალური კომიტეტის პირველი მდივანი მივიდა.
“რუსული რეჟიმი ახრჩობს საქართველოს მომავალს. მან გადაწყვიტა, რომ გააუქმოს ჩვენი სახელმწიფოებრიობა პრაქტიკულად და დატოვოს მხოლოდ და მხოლოდ ფურცელზე. მე მინდა გავიხსენო და პარალელი გავავლო 90 წლის 9 აპრილთან, როდესაც მაშინდელი ცენტრალური კომიტეტის პირველი მდივანი გივი გუმბარიძე მოვიდა 9 აპრილს, ტრაგედიიდან ერთი წლის თავზე და ხალხმა ის მიუშვა პატივის მისაგებად. ჩვენ გვახსოვს და ვხედავთ დღევანდელ დღესაც, როდესაც სირცხვილის კორიდორით და შეძახილების ფონზე მოუწიათ “ქართული ოცნების” ლიდერებს აქ მოსვლა. ამაზე დიდი სირცხვილი ალბათ არაფერი არ არის და ყველაზე მეტად გამოხატავს იმას, თუ სად დგას “ქართული ოცნება” – ჩვენი მტრის მხარეს და სად დგას ქართველი ხალხი”, – აცხადებს გიორგი სიორიძე.