ირაკლი კობახიძის 9 მარტის ბრძანებით, ივანიშვილის სუს-ის უფროსს, მამუკა მდინარაძეს სუს-ის ვიცე-პოლკოვნიკის წოდება ვადამდე მიენიჭა – 1 თვის შემდეგ, კობახიძის 8 აპრილის ბრძანებით კი მან მორიგი უფროსი სპეციალური წოდება მიიღო ვადამდე – მდინარაძე ამიერიდან “სახელმწიფო უსაფრთხოების პოლკოვნიკი” იქნება.
“სახელმწიფო სპეციალური წოდებების შესახებ” საქართველოს კანონის 56 მუხლის, მე-7 მუხლის 2¹ პუნქტისა და მე-8 მუხლის საფუძველზე, საქართველოს სახელმწიფო უსაფრთხოების სამსახურის უფროსს, სახელმწიფო უსაფრთხოების ვიცე-პოლკოვნიკს, მამუკა მდინარაძეს, ვადამდე მიენიჭოს მორიგი უფროსი სპეციალური წოდება “სახელმწიფო უსაფრთხოების პოლკოვნიკი” – წერია კობახიძის ბრძანებაში.
ბოლო 5 თვეში მდინარაძეს 4 სპეციალური წოდება მიენიჭა ვადამდე.
შეგახსენებთ, 2025 წლის 25 დეკემბერს კობახიძემ ბრძანება გამოსცა, რომლის მიხედვით, ივანიშვილის სახელმწიფო უსაფრთხოების სამსახურის (სუს) უფროსს, მამუკა მდინარაძეს “სახელმწიფო უსაფრთხოების კაპიტნის” წოდება მიანიჭა.
მეორე დღეს, 26 დეკემბერს გამოცემული ბრძანების თანახმად, მდინარაძეს “სახელმწიფო უსაფრთხოების მაიორის” წოდებაც მიენიჭა.