აშშ-ის პრეზიდენტმა, დონალდ ტრამპმა გამოცემა The Post-ს განუცხადა, რომ ცეცხლის შეწყვეტის შეთანხმების შემდეგ, ირანთან სამშვიდობო მოლაპარაკებების გამართვას პაკისტანში „ძალიან მალე“ ელოდება – თუმცა, უსაფრთხოების მოსაზრებების გამო, შესაძლოა ვიცე-პრეზიდენტი, ჯეი დი ვენსი მათ არ დაესწროს.
„იქნებიან სტივ უიტკოფი, ჯარედ კუშნერი, ჯეი დი – შეიძლება ჯეი დიც, არ ვიცი. აქ უსაფრთხოების საკითხი დგას“, – განაცხადა ტრამპმა სატელეფონო ინტერვიუში.
ტრამპმა აღნიშნა, რომ პირისპირ მოლაპარაკებები „ძალიან მალე, ფაქტობრივად – ძალიან მალე შედგება“.