ირანში აცხადებენ, რომ დროებითი ცეცხლის შეწყვეტის შეთანხმების ფარგლებში ჰორმუზის სრუტეს არ გახსნიან – აღნიშნულის შესახებ ინფორმაციას გამოცემა Reuters-ი ირანელ მაღალჩინოსანზე დაყრდნობით ავრცელებს.
ირანელმა მაღალჩინოსანმა გამოცემასთან საუბარში განაცხადა, რომ თეირანმა პაკისტანის შუამავლობით შემუშავებული ცეცხლის შეწყვეტის გეგმა მიიღო და მას განიხილავს, თუმცა დროებითი ცეცხლის შეწყვეტის შეთანხმების სანაცვლოდ ჰორმუზის სრუტის გახსნაზე უარს აცხადებს.
ირანის საგარეო უწყების პრესსპიკერმა, ესმაილ ბაგაიმ აღნიშნა, რომ თეირანმა საკუთარი პოზიციები და მოთხოვნები ჩამოაყალიბა, რომლებიც შუამავლებს გადასცა.
ამასთან, ბაგაის თქმით, „მოლაპარაკებები ულტიმატუმებთან და ომის დანაშაულების ჩადენის მუქარასთან შეუთავსებელია“.
გამოცემა Axios-ის ინფორმაციით, აშშ და ირანი შუამავლების მიერ შემუშავებული ცეცხლის 45-დღიანი შეწყვეტის გეგმას განიხილავენ.