ჩრდილოეთ-სამხრეთის საერთაშორისო სატრანსპორტო დერეფნის ახალი მარშრუტი თურქეთში გასასვლელად, შესაძლოა, საქართველოს გავლით დაპროექტდეს – ამის შესახებ რუსეთის მრეწველთა და მეწარმეთა კავშირის ხელმძღვანელმა, ალექსანდრე შოხინმა განაცხადა.
„ეს დერეფანი [საერთაშორისო სატრანსპორტო დერეფანი „ჩრდილოეთი-სამხრეთი“] ალბათ უნდა მოეწყოს, თუმცა, როგორც ჩანს, სხვა მიმართულებებიც უნდა განვიხილოთ. კერძოდ, კარგი მიმართულება იქნებოდა ჩრდილოეთ და სამხრეთ ოსეთის გავლით საქართველოსა და თურქეთისკენ მიმავალი მარშრუტი. მაგრამ ამისთვის საჭიროა რაღაცნაირად საქართველოსთან ურთიერთობების აღდგენაც. აფხაზეთის გავლით კიდევ უკეთესი იქნებოდა, თუ რკინიგზა თურქეთისკენ წავიდოდა. გასაგებია, რომ ეს რთული გადაწყვეტილებებია, მაგრამ თუ ამას ახლო აღმოსავლეთის კრიზისს შევადარებთ, ხვდებით, რომ მათი გადაჭრა უფრო ადვილია“ – განაცხადა შოხინმა პროპაგანდისტულ ТАСС-თან