საქართველოს დიდი უბედურება 5-ჯერ ავაცილე – ამის შესახებ საქართველოს მეხუთე პრეზიდენტმა საკუთარ სასამართლო პროცესზე ისაუბრა.
მისი თქმით, ქვეყნის გადარჩენაში გადამწყვეტი როლი შეასრულა, როგორც შიდა პოლიტიკურ პროცესებში, ისე საერთაშორისო ურთიერთობებში ჩართულობამ და პირადმა კავშირებმა.
სააკაშვილმა დაასახელა სამი ქართველი პოლიტიკოსი, რომლებიც ექს-პრეზიდენტის მტკიცებით, “რუსებს 2005 წელს ხელისუფლებას ასაღებად გამზადებული ჰყავდათ”
“მე 5-ჯერ ავაცილე საქართველოს დიდი უბედურება. პირველად, როცა დროზე ადრე, შევარდნაძე ჩამოვაცილეთ ხელისუფლებას, უკვე გამზადებული ჰყავდათ რუსებს ცალკე ვასაძე, ცალკე ივანიშვილი, ცალკე პატარკაციშვილი საქართველოში 2005 წელს ხელისუფლებას ასაღებად. ისინი უკვე ჩამოსულები იყვნენ, ყველგან მონაწილეობდნენ პროცესებში. მეორედ, ასლან აბაშიძე ჩამოვაშორეთ ხელისუფლებას, იმიტომ, რომ ასლანი რომ დარჩენილიყო, საქართველო როგორც საქართველო ვერ შედგებოდა. აი, წარმოიდგენთ, ახლა აჭარა რომ არ გვქონდეს მთელი თავისი ინფრასტრუქტურით. მესამედ, 2007 წელს პატარკაციშვილის რუსეთის მოწყობილ გადატრიალების თავიდან აცილებით, მათ შორის ჩემი გადადგომით გადავარჩინეთ საქართველო, ჩავშალეთ რუსეთის გეგმა 2008-ში და ეს ძალიან ბევრს არ ესმის დღეს. ერთპიროვნულად მე გადავარჩინე საქრთველო – ჩემი კავშირებით, ჩემი პირადი მეგობრობით ჯორჯ ბუშთან, ჩემი საერთაშორისო ავტორიტეტით, ჩემი ურთიერთობით საერთაშორისო პრესასთან. არ ვიქნებოდი მე და საქართველოს დამოუკიდებლობას დაესმებოდა დიდი წერტილი 2008 წელს. სამწუხაროდ, ყველაფერს თავისი რესურსი აქვს, 2012-ში ვეღარ შევძელი საქართველოს გადარჩენა” – თქვა მიხეილ სააკაშვილმა.