პატრიარქის მოსაყდრემ მეუფე შიომ დღეს სიონის საპატრიარქო ტაძარში იქადაგა და მრევლს ამბიონიდან მიმართა.
ქადაგებისას მან აღნიშნა, რომ საზოგადოების ერთიანობა, რომელიც კათოლიკოს-პატრიარქ ილია მეორის მიმართ სიყვარულსა და მადლიერებაში გამოიხატა, რეალურად ღვთის, ეკლესიისა და სამშობლოს მიმართ ერთგულების გამოხატულებაა.
მეუფე შიომ ასევე ყურადღება გაამახვილა ადამიანის ბუნების ცვალებადობაზე და აღნიშნა, რომ ისტორიულადაც არაერთხელ დადასტურდა, რამდენად სწრაფად შეიძლება შეიცვალოს ადამიანთა განწყობა.
ამასთან, მეუფეს არ უხსენებია პატრიარქობის მოახლოებულ არჩევნებზე.
“მთელი ჩვენი ხალხი, მთელი ჩვენი ერი გაერთიანდა მისდამი მადლიერების, მისდამი სიყვარულის გრძნობაში, მაგრამ ეს არ იყო მხოლოდ კათოლიკოს-პატრიარქ ილია მეორის პიროვნების დაფასება, მხოლოდ ეს როდი იყო. არამედ, ალბათ, უპირველეს ყოვლისა, იყო ღვთისადმი, ეკლესიისადმი, სამშბლოსადმი სიყვარულის გამოხატვა. მაგრამ, ჩვენ ვიცით ასევე, როგორი ცვალებადი და მერყევია ადამიანი, ვიცით რა მოხდა იერუსალიმში მაცხოვრის დიდებით შესვლიდან სულ რამდენიმე დღეში. იუდა მოციქულმა ამს უღალატა, მოწაფეებმა მიატოვეს და ბრბო კი ყვიროდა: “ჯვარს აცვი იგი!”. განა ჩვენ დღეს არ ვაწყდებით ასეთ მერყეობას და ცვალებადობას? ჩვენც ადვილად ვიცვლით გუნება-განწყობილებას და ვკარგავთ ხოლმე ამ გამონათებას, რომელსაც უფალი გვაძლევს და ნუ დაუშვებთ, ძვირფაებო ძმებო და დებო, რომ ჩვენს გულებში უფლის ადგილი დაიკავოს ბოროტებამ, უწმინდურობამ, – თქვა დღეს ქადაგებისას მეუფე შიომ.