სლოვაკეთში ვიზიტისას მიხეილ ყაველაშვილმა განაცხადა, რომ საქართველოსა და რიგ ევროპულ ქვეყნებს საერთო ხედვები აერთიანებთ თავისუფლების, სუვერენიტეტისა და ეროვნული ინტერესების დაცვის საკითხებში და აღნიშნა, რომ ამ მიმართულებით თანამშრომლობა და პარტნიორობა მომავალში კიდევ უფრო გაფართოვდება.
“საერთო ხედვები გვაქვს და ქვეყანა, რომელიც ევროკავშირის წევრია, თუ როგორ ბრძოლობს თავისუფლებისთვის, სუვერენიტეტისთვის, ეროვნული ინტერესებისთვის, რაც ჩვენთვის მისაბაძი და მისასალმებელია. ჩვენც სწორედ ამ ღირებულებებს ვიცავთ და გვჭირდება მსგავსი ქვეყნები, რომლებიც წევრები არიან ევროკავშირის და ჩვენ ძალიან კარგი ურთიერთობა გვაქვს…
სლოვაკეთი პატარა ქვეყანაა, რომელიც მუდმივად ბრძოლობს თავისუფლებისთვის და სუვერენიტეტისთვის და ეროვნული ინტერესისთვის. სწორედ ამაშია ჩვენი თანხვედრა და საუბარი იყო ასევე რომ უნდა, დარწმუნებული ვარ, უფრო მეტი გავხდებით. არის უნგრეთი, ჩეხეთი შეიძლება, თქვენ ნახეთ ხორვატიის პრეზიდენტის ვიზიტი საქართველოში. ვისაც კი ჯანსაღი მიმართულება აქვს და საკუთარი ქვეყნის ინტერესებზე ფიქრობს, დარწმუნებული ვარ, რომ ყველა გავერთიანდებით…” [სტილი დაცულია] – თქვა ყაველაშვილმა, რომელიც ვიზიტით სლოვაკეთში იმყოფება.