გორის მერია სოციალურად დაუცველ ოჯახებს სააღდგომოდ 15 ცალ კვერცხს დაურიგებს. საჩუქარს 370 ოჯახი მიიღებს. ინფორმაციას ადგილობრივი გამოცემა “ქართლის ამბები” ავრცელებს.
გამოცემა წერს, რომ კომპანია, რომელთანაც გორის მერიამ ხელშეკრულება გააფორმა კვერცხს კასპის მერიასაც აწვდის, თუმცა უფრო ნაკლებ ფასად.
კასპის მერია ამ კომპანიისგან კვერცხს 43 თეთრად ყიდულობს, გორის მერია კი 53 თეთრად. განსხვავება ისაა, რომ კასპში თურქეთიდან შემოტანილ პროდუქციას დაარიგებენ, გორში კი – ქართულ ,,ბარაქას” კვერცხს.
შესყიდვების ვებგვერდზე ატვირთული დოკუმენტების მიხედვით, კასპში თითო ოჯახს 30 კვერცხს მიაწვდიან, გორში კი – 15 ცალს.