სერიალ „ჩემი ცოლის დაქალების“ სცენარისტმა, ქეთი დევდარიანმა „ფორმულას“ ეთერში ქალთა ძალადობაზე ისაუბრა და განაცხადა, რომ საქართველო ქალების ემანსიპაციის ფაზაში ისჯება.
„კაცებსაც შემიძლია შევხედო თანაგრძნობით, მათ რეალიზების პრობლემა აქვთ, ცალკე რუსეთით აშინებენ, ცალკე ომით, ცალკე ხელისუფლებით, ცალკე დაჭერით, ცალკე სუსით – ყველაფრით. ეს არიან არარეალიზებული, დასტრესილი ადამინები, რომლებიც დედებმაც ისე გაზარდეს და საზოგადოებაც ასე უბიძგებს, რომ ცოლის პატიოსნობაზე გაშორების შემდეგაც კი პასუხს აგებენ. შეიძლება იმ კაცს სულ ფეხებზე ეკიდოს თავის ცოლი, მაგრამ საზოგადოება აძალებს.“ – ქეთი დევდარიანი
სცენარისტი ასევე აღნიშნავს, რომ საზოგადოების ნაწილი ძალადობის რაოდენობის ზრდას სერიალ ჩცდ-ში წარმოდგენილი სცენებს აბრალებს, თუმცა ეს ასე არ არის:
„ჩვენი პრობლემა თითის არასწორედ გაშვერაა. იმიტომ კი არ ძალადობენ რომ სერიალს უყურებენ, არამედ იმიტომ არის სერიალში ძალადობა, რომ ეს დღეს ჩვენს ქვეყანაში ხდება.“
გადაცემის ბოლოს ქეთი დევდარიანმა ქალებს მიმართა:
„არ გაჰყვეთ ცოლად თქვენზე ნაკლებ კაცებს. ნაკლებს ინტელექტუალურად, გარეგნულად, შესაძლებლობებით. საქართველოში ქალები ძალიან ჭკვიანები, ნიჭიერები და დამოუკიდებლები არიან. ქალებმა უნდა იცოდნენ საკუთარი თავის ფასი და რაც არ უნდა დიდი სიყვარული იყოს, დიდი ვნებები და დიდი სადომაზოხიზმი მაინც სიცოცხლის საფრთხის წინაშე დგახართ. ზოგჯერ ძალადობას არ ეტყობა, რომ ძალადობაა. კაცის მოვალეობა არის, რომ ქალს თავი შეაყვაროს და არა იეჭვიანოს, ისე უნდა შეაყვაროს თავი, რომ იმას არ მოუნდეს არსად გახედვა.“
[Elite_video_player id=”1″ youtubevideos=’dKJF30dFn5g’]