მოკლული მასწავლებლის საქმე – ეკა კუპატაძის ცნობით, რამდენიმე საათის წინ ხელბორკილი დაადეს მოზარდს, რომელმაც სასამართლოში ჩვენება შეცვალა.
ეკა კუპატაძე ამბობს, რომ ლუკა კლადკინმა გამოძიების ეტაპზე ძალადობის ვიდეოებიდან მისი მეგობრები ამოიცნო, ასევე ამოიცნო თავისი თავიც, თუმცა სასამართლოზე ეს ყველაფერი უარყო.
ყველაზე უმსგავსო საქციელს მიმართეს და მოწმეს შეაცვლევინეს ჩვენება – აცხადებს შვილმოკლული დედა.
“კლატკინმა თავიდან მისცა სწორი ჩვენება, ადგილზედაც მიიყვანა – გარაჟებთან, სადაც მოხდა ჩხუბი. კლადკინმა ამოიცნო ყველა, რა თქმა უნდა, თავის თავიც, მისი ძმაკაცებიც – სასამართლოზე ჩვენება შეცვალა. სასამართლოზე თავის თავიც ვერ ამოიცნო. მთლიანად ჩანდა – ეუბნებოდნენ – შენ ხარ? – არაო პასუხობდა. არ იყო დასაჭერი? – იყო დასაჭერი.
დაწყებული საქმის გაპოლიტიკურებიდან ჩემთან შეთანხმებამდე მოსვლით ყველაფერი სცადეს. არაფერი არ გამოუვიდათ. ყველაზე უმსგავსო საქციელს მიმართეს და მოწმეს შეაცვლევინეს ჩვენება.
კლატკინს რომ არ მიეყვანა გამომძიებელი იმ ადგილას, იმ ადგილს ვერ იპოვნიდნენ. მოსამართლემ კი და არას პასუხის რეჟიმში ლუკა კლატკინს მიაცემინა აღიარებითი ჩვენება, რომ ჩვენება შეცვალა”, – ამბობს ეკა კუპატაძე.
ის რომ ლუკა კლადკინი გამოძიების ეტაპზე თანამშრომლობდა გამოძიებასთან, ამას ადასტურებს საქმის პროკურორი ქეთი სონიძეც.
სონიძე ამბობს, რომ ძალადობის ვიდეოებში მან დაასახალა როგორც მისი მეგობრები, ასევე საკუთარი თავიც, თუმცა სასამართლოზე ეს ყველაფერი უარყო.
ამ ერთი მოწმის შეცვლილი ჩვენება სამართლებრივად ამ ეპიზოდებს და ჩვენს სისხლის სამართლის საქმეს არ დააზიანებს, თუმცა ნამდვიალდ გამოიწვევს მოწმის სისხლის სამართლის პასუხისმგებლობას – აცხადებს საქმის პროკურორი.
“მას გამოძიების ეტაპზე ამოცნობილი ჰყავდა ყველა ბრალდებული ძალადობის ვიდეოებში და ერთ-ერთ ვიდეოში ასახელებდა საკუთარ თავსაც, რომ ისიც იყო მონაწილე. თუმცა მიმდინარე პორცესის დრო, მან არა მხოლოდ უარყო მოწმის სახით მიცემული ჩვენება, ცველა საკვანძო დეტალი, არამედ მან უარყო დათვალიერების ოქმში ასახული გარემოებები. უარყო ის, რომ მან რომელიმე ბრალდებული იცნო. მიუხედავად ამისა, მაინც გადამოწმდა მის მიერ მიწოდებული ინფორმაცია და უშუალოდ სასამართლო პროცესზე თავიდან იქნა განხილული მისი მონაწილეობით, ძალადობის ყველა ვიდეო , რა დროსაც, ამ მოწმემ ასევე ცალსახად უარყო რომელიმე ბრალდებულის მონაწილეობა ამ ძალადობის ამსახველ ფაქტებში.
შესაბამისად, მან შეცვალა და უარყო არა მხოლოდ გამოძიებისთვის მიცემული ჩვენება, არამედ ის ვიდეო-ჩანაწერების დათვალიერების ოქმი, რომელშიც ის აედეტიფიცირებდა თავის მეგობარ პიროვნებებს.
ამ ერთი მოწმის შეცვლილი ჩვენება სამართლებრივად ამ ეპიზოდებს და ჩვენს სისხლის სამართლის საქმეს არ დააზიანებს, თუმცა ნამდვიალდ გამოიწვევს მოწმის სისხლის სამართლის პასუხისმგებლობას”, – განაცხადა ქეთი სონიძემ.