“თვალში ხომ არ გეპატარავებით?” – დაპირისპირება სააკაშვილსა და მოსამართლეს შორის

დაპირისპირება იყო ცოტა ხნის თბილისის საქალაქო სასამართლოში, სადაც 8 ოპოზიციონერი პოლიტიკოსის სასამართლო პროცესი დახურულ რეჟიმში ჩატარდა – ინფორმაციას “ტვ პირველი” ავრცელებს.

ტელეგრამ არხზე გავრცელებულ აიდიო-ჩანაწერში ისმის, როგორ უპირისპირდებიან ერთმანეთს საქართველოს მესამე პრეზიდენტი მიხეილ სააკაშვილი და მოსამართლე, თამარ მახარობლიძე.

“როგორც ძაღლი მონიშნავს თავის სამფლობელოს, ზუსტად ისე მივიდა ივანიშვილი პატრიარქის დაკრძალვაზე და წარწყმიდა იქაურობა”- ამბობდა სააკაშვილი, როცა მოსამართლემ მას სიტყვა შეაწყვეტინა და თხოვა “საქმესთან დაკავშირებით” ესაუბრა.

“თქვენ ვინ გგონივართ, თვალში ხომ არ გეპატარავებით?”- მიმართა ამის შემდეგ მიხეილ სააკაშვილმა მოსამართლეს.

ვიდრე მოსამართლე მას სიტყვას შეაწყვეტინებდა, პატიმარმა “ქართული ოცნების” მმართველობა და სტალინური რეპრესიები ერთმანეთს შეადარა.

თბილისის საქალაქო სასამართლოში ე.წ. საბოტაჟის საქმეზე ბრალდებული 8 პოლიტიკოსის – მიხეილ სააკაშვილის, ნიკა მელიას, ნიკა გვარამიას, ზურაბ გირჩი ჯაფარიძის, გიორგი ვაშაძის, ბადრი ჯაფარიძის, მამუკა ხაზარაძისა და ელენე ხოშტარიას საქმის განხილვა დახურულ რეჟიმში მიდინარეობდა.