ქვეყნის ეროვნული უსაფრთხოების წინააღმდეგ ძირის გამომთხრელი საქმიანობის ბრალდებით, ირანში 466 ადამიანი დააკავეს. ინფორმაციას „როიტერი“ ირანის ახალი ამბების სააგენტო „ირნაზე“ დაყრდნობით ავრცელებს.
ოფიციალური განცხადების მიხედვით, აღნიშნული პირები საქმიანობას ონლაინ სივრცეში ახორციელებდნენ.
პოლიციის განცხადებაში ნათქვამია, რომ დაპატიმრებები ბოლო დღეებში ჩატარებული სადაზვერვო და ტექნიკური მონიტორინგის შედეგად განხორციელდა. მათივე თქმით, ეს პირები დაკავშირებული იყვნენ „მტრის“ ქსელებთან, რომლებიც შიდა არასტაბილურობის შექმნას ცდილობდნენ.
როგორც „როიტერი“ წერს, ისრაელისა და შეერთებულ შტატების მიერ ირანზე თავდასხმის დაწყებიდან დღემდე ეს ქვეყანაში ომის ყველაზე მასშტაბური რეიდი იყო.
მედიის ცნობით, მიმდინარე თვეში ირანში „საიდუმლო“ ადგილების გადაღების, ანტისამთავრობო მასალის ონლაინ გაზიარებასა ან „მტერთან თანამშრომლობის“ ბრალდებით სულ 1 000-ზე მეტი ადამიანი დააკავეს.