ბრიტანელმა მომღერალმა და დიზაინერმა, ვიქტორია ბექჰემმა ჟურნალ Grazia-სთან ინტერვიუსას ქალის წონაზე და დღევანდელ სტანდარტებზე ისაუბრა. მისი თქმით მომხმარებელი დღეს უფრო მეტად ეძებს თავის ბუნებრივ სხეულზე მორგებულ სამოსს. ამასთან, ადამიანები ნაკლებად არიან დაინტერესებულნი, რომ რაც შეიძლება, “პატარები” გამოჩნდნენ.
“ძველმოდური დამოკიდებულებაა იმის სურვილი, რომ ძალიან გამხდარი იყო. ვფიქრობ, ქალებს დღეს სურთ, ჯანსაღად გამოიყურებოდნენ და მომრგვალებული ფორმები ჰქონდეთ. მათ უნდათ, მკერდი და საჯდომი ჰქონდეთ.“ – აცხადდებს ვიქტორია ბექჰემი
მოგვიანებით ინტერვიუერმა ვიქტორიას სიგამხდრეს გაუსვა ხაზი, დიზაინერმა კი აღნიშნა, რომ საქმე ეხება საკუთარი თავის სიყვარულს და მიღებას.
“მე ჯანსაღად კვებით და ვარჯიშით დისციპლინასა და გართობას შორის ბალანსი დავიჭირე. როცა ახალგაზრდა ხარ, ამ ბალანსის დამყარება გიჭირს, მაგრამ ასაკის მატებასთან ერთად, იმასაც მივხვდი, რას ნიშნავს წონასწორობა. მე, უბრალოდ, ვიცი, რა ამართლებს ჩემთვის.”
ვიქტორია ძალიან ბევრს ვარჯიშობს და საკუთარ სხეულს უვლის. საჯდომის ფორმაში მოსაყვანად ის ყოველ დღე აკეთებს ჩაჯდომებს.
“ცვლილება მინდოდა. მინდოდა, ისევ სექსუალურად მეგრძნო თავი. მაიამიში ბევრი ქალია, ვისაც მომრგვალებული ფორმები აქვს და ამას შესანიშნავად იხდენენ. სანაპიროზე მიაბიჯებენ, არცთუ ბევრი რამ აცვიათ და ფანტასტიკურად გამოიყურებიან. საკუთარ სხეულებს თავდაჯერებულები აჩენენ. მათი დამოკიდებულებაც და სტილიც თავისუფლებად მიმაჩნია. და, როგორც დედას, მიხარია, რომ ჩემი შვილი, ჰარპერი ისეთი ქალების გარემოცვაშია, ვისაც თავისი გარეგნობა და მომრგვალებული ფორმები მოსწონს.”
დამოკიდებულების გამომჟღავნება დიზანერმა საკუთარი ბრენდითაც დაიწყო. მისი ახალი კოლექცია არის მოხერებული, კომფორტული, მაგრამ ამავდროულად საშუალებას აძლევს ქალებს სხეულის ფორმები ამაყად გამოკვეთონ.