უკრაინის პრეზიდენტმა ვოლოდიმირ ზელენსკიმ ფრანგ კოლეგასთან, ემანუელ მაკრონთან ერთად გამართულ პრესკონფერენციაზე განცხადება გააკეთა – “ტრამპის გადაწყვეტილება რუსულ ნავთობზე სანქციების დროებითი მოხსნის შესახებ მსოფლიოს ნამდვილად არ ეხმარება. ამან, შესაძლოა, რუსეთის ბიუჯეტს დამატებით 10 მილიარდი დოლარი მოუტანოს”.
დღეს ცნობილი გახდა, რომ აშშ-მა რუსულ ნავთობზე სანქციები დროებით მოხსნა. გადაწყვეტილება 12 მარტს აშშ-ის სახაზინო დეპარტამენტის საიტზე გამოქვეყნდა, სადაც წერია, რომ აშშ-მა რუსული ნავთობის წინააღმდეგ სანქციები 1 თვით გააუქმა. აშშ-ის სახაზინო მდივნის, სკოტ ბესენტის განცხადებით, ეს არის დროებითი ზომა, რომელიც ომის დროს მსოფლიო ენერგეტიკულ ბაზრებზე სტაბილურობის ხელშეწყობას ისახავს მიზნად. ქვეყნებს რუსული ნავთობისა და ნავთობპროდუქტების შეძენის უფლება 11 აპრილამდე ექნებათ.