სად წავიდა ბიუჯეტის ლამის 5 მლნ ლარი? – აუდიტის დასკვნამ მუნიციპალიტეტებში დარღვევების მთელი სერია აღმოაჩინა. 4 მლნ 886 ათასი ლარის კვალს ვერ პოულობენ – ეს გაბიტაშვილის უწყების დასკვნაში პირდაპირ წერია. ლიდერი ფოთია, სადაც მილიონ 82 ათასი ბიუჯეტიდან ისეთ ანგარიშებზე ჩარიცხეს, რომლებიც ახლა გაუქმებულია და იდენტიფიცირება შეუძლებელი. აღმოჩნდა, რომ 2 წლის განმავლობაში ათი ათასობით ლარი სისტემატიურად ერთი პირის სახელზე უკანონოდ ირიცხებოდა და ვერავინ გაიგო.
ირკვევა, რომ ფოთის მერიის ერთი თანამშრომლის ანგარიშებზე ბიუჯეტის ფულს 2022 წლიდან რიცხავდნენ, თითქო სხვა თანამშრომლების ხელფასს, მაგრამ თურმე ამ თანამშრომლებს ხელფასი უკვე აღებული ჰქონდათ.
იგივე ხდებოდა სხვა რეგიონებშიც – ქარელში 100 ათას ლარზე მეტი ისეთი კომპანიის ანგარიშზე ჩარიცხეს, რომელსაც მერიასთან კონტრაქტიც კი არ ჰქონდა. მუნიციპილატიტებმა 1 681 – ჯერ ჩარიცხეს თანხა ანგარიშებზე, რომლებიც ახლა დახურულია, აუდიტმა კვალსაც კი ვერ მიაგნო, ვის ხელში აღმოჩნდა ეს ფული.
723 ათასი ლარი ჩარიცხეს საბანკო ანგარიშებზე, რომლებიც სახელმწიფო უწყებებში დასაქმებულ პირებს საერთოდ არ ეკუთვნოდათ. მკვლევარებისთვის აუდიტის ეს ერთი დასკვნაც საკმარისია იმის სათქმელად, რა დამოკიდებულება აქვს ივანიშვილის გუნდს ქვეყნის ბიუჯეტთან.