უკრაინის მხარეს ბრძოლისთვის რუსეთში დაუსწრებლად გასამართლებულთა შორის ყველაზე მეტი ქართველია – ინფორმაციას რადიო თავისუფლება ავრცელებს.
2024 წლიდან, რუსეთის სასამართლოში სულ მცირე 180 მოხალისეს დაუსწრებლად განაჩენი გამოუტანეს. ყველაზე მეტი გამამტყუნებელი 58 განაჩენი საქართველოს მოქალაქეების წინააღმდეგ იყო. მეორე და მესამე ადგილზე არიან აშშ (22) და გაერთიანებული სამეფოს (12) მოქალაქეები. ბოლო გადაწყვეტილება 2026 წლის 10 მარტს გამოიტანა სასამართლომ, სადაც 53 წლის საქართველოს მოქალაქე ზაზა შონიას დაუსწრებლად 28 წლით თავისუფლების აღკვეთა მიუსაჯა.