მოვითხოვეთ პატიმრების მონახულება, განსაკუთრებით, მზია ამაღლობელის, ეს გამოვხატეთ პრემიერ-მინისტრთან, პრეზიდენტთან, შინაგან საქმეთა მინისტრთან, პარლამენტის სპიკერთან, მათ გვიპასუხეს: “არა” , – ამის შესახებ ეუთოს საპარლამენტო ასამბლეის პრეზიდენტმა, პერე ჟოან პონს სამპიეტრომ ჟურნალისტებთან საუბარში განაცხადა.
მისი თქმით, იღებენ იმ ფაქტს, რომ მთავრობას აქვს უარის თქმის უფლება, მაგრამ სთხოვეს განხილვა, რადგან “დღევანდელი ვითარება, რაც ნახეს, როგორც მინიმუმ, აიძულებს უთხრან მთავრობას, რომ უნდა განიხილონ [პატიმრების] გათავისუფლება.“
ჩვენ დღეს ვუთხარით, მაგალითად, პრემიერ-მინისტრს, პარლამენტის თავმჯდომარეს, რომ ერთ-ერთი ნაბიჯი, რომელიც მათ უნდა გადადგან, არის ის, რომ უნდა განიხილონ იმ პატიმრების გათავისუფლების საკითხი, რომლებმაც უკვე ნახევარზე მეტი ციხეში გაატარეს. ანუ ისინი პოლიტიკური პატიმრები არიან? ჩემი საქმე არ არის ვთქვა, არიან თუ არა ისინი პოლიტიკური პატიმრები. რაც შემიძლია ვთქვა არის ის, რომ ისინი ციხეში არიან, რადგან პოლიტიკურ საქმიანობას ეწეოდნენ. ამიტომ, ჩემი გზავნილი არის ეს, რომ დღეს ჩვენი პოზიციაა, რომ თუ გსურთ, და მოდით გითხრათ, ჩემი აზრით, ჩვენ გვქონდა ცირკულარული დიალოგი ოპოზიციურ პარტიებს, სამოქალაქო საზოგადოებას და ასევე მთავრობას შორის. ისინი ერთმანეთს ჩვენი მეშვეობით ესაუბრებოდნენ. ჩვენ ვითხოვთ ციხეში მყოფი პატიმრების მონახულებასა და მათთან წვდომას, განსაკუთრებით კი სახაროვის პრემიის მფლობელთან. ეს პრემიერ-მინისტრს გავუზიარეთ. ეს ქვეყნის პრეზიდენტსაც გავუზიარეთ. ეს შინაგან საქმეთა მინისტრსაც გავუზიარეთ. ეს პარლამენტის თავმჯდომარესაც გავუზიარეთ. მათ გვიპასუხეს, რომ არა. ამრიგად, ჩვენ გვესმის, რომ მთავრობას უფლება აქვს უარი თქვას, მაგრამ ვთხოვთ მათ განიხილონ ეს საკითხი.ვფიქრობ, რომ დღეს არსებული სიტუაცია, სულ მცირე, გვავალდებულებს, ვუთხრათ ხელისუფლებას, რომ მათ სულ მცირე ამ ადამიანების გათავისუფლება უნდა განიხილონ”, – განაცხადა სამპიეტრომ.