გივი თარგამაძე სახელმწიფო უსაფრთხოების სამსახურის განცხადებას გამოეხმაურა – საუბარია სუს-ის განცხადებაზე, სადაც მდინარაძის უწყებამ დაწერა, რომ პოლიტიკოსი გამოკითხვაზე დაიბარეს თუმცა ვერ პოულობდნენ.
“ჰოე, ჰოე! სუს-იიიი! რაც გამოვედი, მთელი საქოცეთი, უფროსობიდან დაწყებული, პრობაციის სამსახურით, საზღვრის ხალხით დამთავრებული დამტრიალებთ თავს, დღეს გამთენიას აეროპორტში ეს ფურცელი და ჩასასხდომი ბარათები თორმეტჯერ გადაიღეს და რას მატრაბაზობთ, რას ვერ მპოულობთ, სად მეძებთ, რა მედიას და ახლობლებს თხოვთ, ეგებ გააგებინოთო. და მეგობრებს რას მიწიოკებთ, გიენებო? დაშოშმინდით. თუ ძაან გეჩქარებათ, მაგ მედიის, ან, ახლობლების, ან, სულაც, საფოსტო მტრედების საშუალებით გამომიგზავნეთ კითხვები და მასევე გამოგიგზავნით პასუხებს. ალბათ, იქით კითხვებსაც. ან კიდევ, მოითმინეთ, დამელოდეთ, დამელოდეთ, როგორც თქვენი გლუვი იტყოდა, დამელოდეთ და მერე ჩამასრულებინეთ. თუ იმედი გაქვთ, არ ჩამოვალ – ოლოლო! ჩემდა თავად, თქვენგან გამქცევი იყოს მათიკაშვილი.”-
სახელმწიფო უსაფრთხოების სამსახური [სუს] გამოკითხვაზე გივი თარგამაძესაც იბარებს, თუმცა უწყებაში მედიას უთხრეს, რომ მასთან დაკავშირდება ვერ ხერხდებოდა, რადგან “ტელეფონი გამორთული აქვს” და იმედი გამოთქვეს, რომ თარგამაძე მედიასაშუალებებისგან გაიგებდა ამ ამბავს.