უკრაინის პრეზინდენტი ვოლოდიმირ ზელენსკი განცხადებას ავრცელებს სოციალურ ქსელში, სადაც განაცხადა რომ ირანის რეჟიმი რუსეთს აწვდიდა იარაღს, რომელსაც უკრაინელების წინააღმდეგ იყენებდა.
“ირანის რეჟიმი რუსეთს აწვდიდა იარაღს, რომლითაც ის ჩვენ გვკლავდა. ახლა ეს შეშფოთება ოდნავ შემცირდა, რადგან ირანი ამ მომენტში ნაკლებად სავარაუდოა, რომ რუსეთს რამეს აწვდიდეს. თუმცა, თავის დროზე მათ გადასცეს ლიცენზიები და ახლა, ამ ირანული ლიცენზიებით, რუსეთი თავად აწარმოებს შესაბამის რაკეტებსა და დრონებს.
არსებობს შეშფოთება ამერიკის შეერთებული შტატების მხრიდან წამოსული საჯარო თუ არასაჯარო სიგნალების გამო, რომლებიც მიანიშნებენ ამ სამხედრო ოპერაციის გაგრძელებაზე და იმაზე, რომ ამასთან დაკავშირებით ისინი დაეყრდნობიან დამატებით საჰაერო თავდაცვის სისტემებს საკუთარი თავისა და მოკავშირეებისთვის. ასევე, ისინი ყურადღებით დააკვირდებიან PAC-2 და PAC-3 წარმოების შესაძლებლობებს. ანუ, არსებობს შიში, რომ ხანგრძლივი ომის შემთხვევაში, ამერიკამ შესაძლოა შეამციროს უკრაინისთვის საჰაერო თავდაცვის სისტემებისა და რაკეტების მიწოდება.
რაც შეეხება ნავთობის ფასებს, ამ კრიზისს ახლა მთელი ევროპა და მსოფლიო განიცდის. ჩვენი ენერგეტიკული კრიზისი, უპირველეს ყოვლისა, ჩვენს წინააღმდეგ რუსეთის ომთან არის დაკავშირებული. თუმცა, ასევე გასაგებია, რომ საბრძოლო მოქმედებების გამო ნავთობპროდუქტების იმპორტი შემცირებული ან სრულად ბლოკირებულია. ეს უკვე გავლენას ახდენს ენერგომატარებლების მსოფლიო ფასებზე. ეს არის გამოწვევა და ვფიქრობ, ყველა ქვეყანა იმუშავებს ამ საკითხზე” – წერს უკრაინის პრეზიდენტი ვოლოდიმირ ზელენსკი სოციალურ ქსელში.