ისრაელის ქალაქ ბეით-შემეშში ირანის მიერ გაშვებული ბალისტიკური რაკეტის დარტყმის შედეგად 20-ზე მეტი ადამიანი დაშავდა. ინფორმაციას The Times of Israel-ი სასწრაფო დახმარების სამსახურზე დაყრდნობით ავრცელებს.
მედიკოსების ცნობით, დაშავებულებს შორის არის ერთი ბავშვი, რომლის მდგომარეობაც მძიმეა. ადგილზე მობილიზებული ბრიგადები ამ დრომდე უწევენ დახმარებას დაზარალებულებს.
სასწრაფო დახმარების სამსახურის ინფორმაციით, აფეთქება რაკეტის ან მისი ფრაგმენტის ჩამოვარდნას მოჰყვა. დამატებით, ისრაელის ცენტრალურ ნაწილში კიდევ ერთი მამაკაცი დაშავდა — მისი ჯანმრთელობის მდგომარეობა საშუალო სიმძიმისაა.
ვითარება ადგილზე კვლავ დაძაბულია, შესაბამისი სამსახურები მუშაობას განაგრძობენ.