ფონდ “იავნანას” დამფუძნებელი, საოპერო მომღერალი (მსოფლიო ბანი) პაატა ბურჭულაძე სოციალურ ქსელში რუსეთ-უკრაინის ომთან და საქართველოს როლთან დაკავშირებით სარკასტული სახის პოსტს აქვეყნებს, მის მიერ დაწერილი სცენარი შემდეგი სახისაა:
“გიხაროდენ!!!
ომი მორჩება რამდენიმე დღეში და ამაში საქართველო გადამწყვეტ როლს ითამაშებს.
ჩამივარდა ოცნების ივანიშვილთან საიდუმლო შეხვედრის მასალები, რომელსაც ვასაჯაროებ.
მაშ ასე:
ჩვენი დელეგაცია ურჩევს უკრაინელებს, რომ დაყარონ იარაღი და დანებდნენ. უკრაინელები ეტყვიან, რომ არავითარ შემთხვევაშიო და აი, აქ,( !!!!!!!!! ) ოცნება გამოიყენებს თავის ჯადოსნურ, ბრძნულ 3 სიტყვას: ,,აბა ომი გინდათ”?
რამდენიმე წუთით (ხანგრძლიობა 10-12 წუთი) ჩამოვარდება სამარისებული სიჩუმე. ისეთი სიჩუმე, რომ დარბაზის ბოლოს ისმის ბუზის ხმა, რომელიც ეხეთქება აივნის ფანჯრის შუშას… და უცებ ერთ-ერთი მათგანი, (სავარაუდოთ პრეზიდენტი ზელენსკი )წამოხტება და გაიძახის: აქამდე როგორ ვერ მივხვდით! რა სიბრძნეა! რა დიდი და ღირსეული გზაა!!!
შედეგი:
1. უკრაინა ეთანხმება ჩვენს რჩევას.
2. ბედნიერია მთელი მსოფლიო.
3.საქართველოს პრეზიდენტი აჯილდოებს ივანიშვილს და მის მოდგმას უმაღლესი ჯილდოებით.
4. ქართულ ოცნებას ვუხანგრძლივებთ ხელისუფლებაში ყოფნას 2082 წლამდე. (გახანგრძლივების შესაძლებლობით)
5. ბედნიერია ერიც და ბერიც”, – წერს ბურჭულაძე “ფეისბუქი”-ს პირად გვერდზე.
12,939 ნახვა
