“მსოფლიო პოლიტიკას ახალი პარადიგმა სჭირდება და ეს მხოლოდ ზელენსკიმ გაიგო, მას ეკუთვნის ნობელის პრემია მშვიდობის დარგში, იმისთვის, რომ შენმა შვილმა იცოცხლოს და არ მოხდეს ბირთვული კატასტროფა,” – ამის შესახებ მწერალმა, ირაკლი კაკაბაძემ “ჯორჯიან თაიმსის” გადაცემაში “დროული კითხვები” საუბრისას განაცხადა.
“წინადადება, რომელიც ვოლოდიმირ ზელენსკიმ სტამბოლის მოლაპარაკებებზე დავით არახამიას პირით გააჟღერა, არის ის, რაც თავის დროზე ამერიკის ელჩმა გაეროში ბიძინა ივანიშვილს შესთავაზა. თუმცა, ბიძინამ ეს ვერ გაიგო თავის უტვინო თავში. ელჩმა მას უთხრა, რომ მსოფლიო პოლიტიკას ახალი პარადიგმა სჭირდება, მაგრამ ჩვენმა პოლიტიკოსებმაც ეს ვერ გაიგეს. გაიგო მხოლოდ ზელენსკიმ და მას, აი, ამ წელს ეკუთვნის ნობელის პრემია მშვიდობაში, იმისათვის, რომ შენმა შვილმა იცოცხლოს და არ მოხდეს ბირთვული კატასტროფა”, – განაცხადა ირაკლი კაკაბაძემ.