“ცენტრ-პოინტის” ერთ-ერთი დამფუძნებელი გუკა რჩეულიშვილი სოციალურ ქსელში წერს, რომ რაჭაში, კერძოდ შოვში, მის საკუთრებში არსებული სანატორიუმი განადგურებულია. არსებობს ვარაუდი, რომ შენობა დაწვეს.
“ძალიან ცუდი ამბავი მოხდა, შოვში დაიწვა სანატორიუმი, რომელიც ჩემი საკუთრება იყო, განსაკუთრებულად მიყვარდა და ახლა ვაპირებდი მის რეაბილიტაციას, რაც მანამდე ვერ შევძელი, რამეთუ, უბრალოდ არც დრო მქონდა არც რესურსი.
რა თქმა უნდა, ბევრად ცუდი რაღაცები ხდება დღეს სამყაროში და არცერთი სანატორიუმი არ ღირს ერთ ადამიანის ცრემლადაც კი, მაგრამ მაინც ტეხავს ასეთი სილამაზე რომ აღარ დგას რაჭაში…
იძახიან დაწვესო, მე გულით არ მინდა ამის დაჯერება, არ წარმომიდგენია რომ ადამიანმა არაფრის გამო შეიძლება ასეთი ბოროტება გააკეთოს
ომი დამთავრდეს და ამას აღვადგენთ”, – წერს რჩეულიშვილი “ფეისბუქი” – გვერდზე.
